Trajneri i PSG-së, Unai Emery, u shpreh i entuziazmuar para përballjeve me Real Madridin.
Një nga përballjet më interesante të fazës eliminuese të LK-së pritet të jetë ajo mes gjigantëve spanjoll, Real Madrid dhe parizienëve super të përforcuar gjatë verës.
Emery shprehet pozitiv për shortin, teksa shpreh bindjen se ekipi tij mund të konkurrojë me klubin madrilen.
“Mendoj se është short i mirë. Besoj se ne mund të konkurrojmë me Real Madridni”.
“Të bëjmë gjëra të mëdha në Ligën e Kampionëve, duhet që të mposhtim më të mirët. Në 16 ekipet më të mira është momenti të luhet ndaj ekipeve të tilla”.
“Ne duhet të tregojmë karakter, shkathtësi taktike dhe talent. Talenti ëhtë shumë me rëndësi”, deklaroi Emery.
Ndeshja e parë zhvillohet në Santiago Bernabeu, kthyesja në Stade des Princes. /Telegrafi/