Motra e këngëtareve të njohura Adelina dhe Zanfina Ismaili, Ema Ismaili, ka qenë e vetmja nga familja e cila nuk është marrë me muzikë.
Ndonëse nuk ka qenë figurë publike, të jetuarit në një familje të rrethuar nga fama, Ema nuk ka mundur të qëndrojë edhe shumë larg vëmendjes.
Edhe ajo si motrat e saj, e ndjejnë mungesën e të ëmës së tyre, Mona Ismailit, e cila ndërroi jetë në prill të vitit 2016.
Ajo ishte menaxhere e këngëtareve, ndërsa Zanfina ishte ajo e cila ia dedikoi një këngë të titulluar “M”, e cila preku zemrat e të gjithëve që e dëgjuan.
Ndërkohë, këngëtarja kishte realizuar edhen një tatuazh në qafën e saj, në të cilën ishte vizatuar shkronja “M”, dhe data e lindjes së nënës së saj.
E një tatuazh dedikuar më të shtrenjtës së tyre, e ka realizuar edhe Ema.
Në një fotografi të publikuar së fundmi në rrjetet sociale, ku Ema shfaqet duke i dhënë një përqafim nipit të saj, Uliksit, vihet në pah edhe tatuazhi që ajo ka në krahun e majtë.
Ema ka vizatuar emrin e nënës së saj, ndërsa nga fotografitë në rrjetet sociale, ky tatuazh duket të jetë realizuar së fundmi, ngase nuk është parë më herët. /Telegrafi/
