Fluturimi i parë pa ekuipazh në Mars në Starship të SpaceX do të kryhet pas dy vjetësh.
Kështu, siç raportojnë mediat e huaja, përcjell Telegrafi, tha të shtunën CEO i kompanisë Elon Musk.
“Starships-et e para në Mars do të nisen pas 2 vitesh, kur të hapet dritarja e ardhshme e transferimit Tokë-Mars…”, shkroi Musk në një postim X.
“Nëse ato ulje do të shkojnë mirë, atëherë fluturimet e para me ekuipazh në Mars do të jenë pas 4 vjetësh”, shtoi ai.
The first Starships to Mars will launch in 2 years when the next Earth-Mars transfer window opens.
These will be uncrewed to test the reliability of landing intact on Mars. If those landings go well, then the first crewed flights to Mars will be in 4 years.
Flight rate will… https://t.co/ZuiM00dpe9
— Elon Musk (@elonmusk) September 7, 2024
Musk, i cili themeloi SpaceX në 2002, tha se ai pret që normat e fluturimeve të “rriten në mënyrë eksponenciale” nëse të dyja këto data përmbushen.
Qëllimi përfundimtar, tha ai, do të ishte ndërtimi i një “qyteti të vetë-qëndrueshëm në rreth 20 vjet”.
Deklaratat e fundit të Musk shënojnë një ndryshim të vogël nga afati kohor që ai kishte ndarë fillimisht në prill.
“Starship do të jetë në Mars brenda 5 viteve”, shkroi Musk në një postim X më 15 mars.
Musk nuk specifikoi atëherë nëse fluturimi do të kishte ekuipazh apo pa ekuipazh.
Planet e Musk për të “kolonizuar” Marsin kanë qenë prej kohësh një objektiv dhe miliarderi ka shpallur në mënyrë të përsëritur datat e synuara – të cilat më pas i ka ndryshuar. /Telegrafi/