Mesfushori i Arsenalit, Mohamed Elneny thotë se trajneri Mikel Arteta e tronditi dhomën e zhveshjes kur e largoi Pierre-Emerick Aubameyangun nga kapiteni sezonin e kaluar.
Gabonezi do të përballet me Artetën dhe Arsenalin të dielën me Chelsean.
“Kur Mikel mori shiritin e kapitenin nga Auba, ishte 100 për qind momenti kur ai u vendos”, ka deklaruar egjiptiani.
“Pas asaj që i bëri kapitenit të skuadrës, të gjithë shikonin veten dhe pyesnin ‘çfarë do të bëjë ai me lojtarët e tjerë?’”.
“Të gjithë ishin të frikësuar për pozicionin e tyre pas asaj që ndodhi me Aubameyangun. Nëse një lojtar që nuk është kapiten bën një gabim të vogël, ai do të ketë të njëjtin problem. Dhe askush nuk ka nevojë për këtë”.
“Kjo na tregoi se nuk mund të luajmë, tani e tutje duhet të jemi të qetë dhe të qëndrojmë së bashku si ekip, jo të bëjmë diçka ndryshe”.
“Ne të gjithë ramë dakord me atë që vendosi Mikel sepse ai është shefi ynë dhe ne duhet të mbështesim vizionin e tij për klubin”.
“Tani ne nuk lejojmë ego të mëdha në dhomën e zhveshjes. Të gjithë e duan njëri-tjetrin dhe punojnë për njëri-tjetrin”.
“Kjo është ajo që e bën skuadrën tonë vërtet të fortë, sepse ne nuk kemi ego në ekip”.
“Tani kemi gjëra për të nxitur çdo ditë. Ne e dimë se kemi një ekip të mirë me staf të mirë dhe Mikel na bën të ndihemi sikur jemi vërtet të fortë”.
“Dhe ne të gjithë besojmë se mund të bëjmë diçka vërtet të veçantë këtë sezon. Arsenali është një klub i madh dhe ne e dimë se duhet t’i vendosim në vendin që meritojnë. Kjo është ajo për të cilën ne të gjithë luajmë”.
“Aubameyang ishte një nga lojtarët tanë dhe ai vendosi të shkonte në një ekip tjetër. Tani ne fokusohemi vetëm te vetja dhe shikojmë të fitojmë ndeshjen të dielën”, ka shtuar më tej Elneny. /Telegrafi/