Dy reperët e njohur të estradës shqiptare, Elinel dhe Genc Prelvukaj, kanë prezantuar para publikut projektin e tyre të ri muzikor.
“Bijt’ e Shqipes” mban titullin kënga e dyshes, gjersa vjen e shoqëruar me një video atraktive, por pa videoklip.
Tekstin e kanë shkruar vet artistët, kurse për videon është përkujdesur Venhar Mehmeti.
Për muzikën është kujdesur producenti Donat Prelvukaj, i njohur me emrin artistik si Cricket, i cili qëndron prapa shumë këngëve të reperit Granit Bajraktari (Elinel).
Kënga veç tjerash flet për traditat e shqiptarëve dhe është lansuar në kohën kur edhe janë dëshmuar vlerat e kombit tonë.
Projektin tanimë mund ta gjeni në platformën YouTube dhe besohet se do të mirëpritet nga fansat e dy artistëve të njohur. /Telegrafi/