Me përkushtim ndaj përmirësimit të cilësisë së jetës dhe përkujdesjes së shëndetit, Telegrafi ka vizituar sot fëmijët e shtrirë në repartin e Onkologjisë në Spitalin e Pediatrisë.
Në prag të Vitit të Ri, ekipi i Telegrafit ka dorëzuar një sërë dhuratash të përzgjedhura me kujdes e shumë dashuri, për të ndihmuar kështu fëmijët që të kalojnë kohën me kënaqësi dhe kreativitet.
Buzëqeshja e tyre, disponimi i mirë e shpresa shoqëronte çdo fëmijë.
Kjo iniciativë e Telegrafit shërben si shembull i medias, që përveç informimit të saktë, të angazhohen edhe për mirëqenien e disponimin e atyre që ballafaqohen me sfida shëndetësore.
Donika Hoxha tha se ekipi i Telegrafit është i lumtur që mund të kontribuojnë sado pak në disponimin e buzëqeshjen e fëmijëve.
“Përveç informimit të saktë, për Telegrafin është e rëndësishme mirëqenia e shëndeti i të gjithëve, sidomos fëmijëve. Për atë ne jemi këtu që sadopak të sjellim buzëqeshje te fëmijët”, tha ajo.
Me urimin për shëndet të mirë e suksese, Telegrafi u uron të gjithë fëmijëve një vit të mbarë!… /Telegrafi/
