Eitracht Frankfurt ka arritur të mposht edhe në ndeshjen e dytë West Hamin, ndërsa në finale kanë kaluar edhe Rangers që kanë përmbysur rezultatin ndaj RB Leipzig.
Ndeshja që kishte probleme para saj, ku tifozët e të dyja klubet u rrahën masovisht, ishte e nxehtë edhe në fushë.
Goli i vetëm u shënua në minutën 26-të, kur Rafael Borres gjeti rrjetën nga afër pas pasimit të Ansgar Knauff për 1-0.
WOAH, WE'RE GOING TO SEVILLA!!! 🥳❤
⏹ 90’ | #SGEWHU 1-0 | #SGEuropa pic.twitter.com/t7eCdV2K41
— Eintracht Frankfurt (@eintracht_eng) May 5, 2022
Edhe pse kishte raste të tjera, rezultati nuk ndryshoi dhe Eintracht me rezultat të përgjithshëm prej 3-1 kaluan tutje.
Në ndeshjen tjetër Rangers kanë arritur ta mposhtin RB Leipzigun me rezultat 3-1, për ta shkrirë fitoren e gjermanëve në ndeshjen e parë.
Skocezët e nisën furishëm ndeshjen duke arritur të shënojnë që në minutën e 19-të kur James Tavarnier shënoi për 1-0.
Në minutën e 24-të erdhi edhe goli i dytë kur Flen Kamara shënoi për 2-0.
Në pjesën e dytë RB Leipzig shënoi për 2-1 me sulmuesin në formë Christpoher Nkuku.
Por Rangers nuk u dorëzuan dhe golin e kualifikimit e gjetën në minutën e 81-të, kur John Lunfstram shënoi për 3-1.
Sevilla Brace Yourself. Rangers are Coming.#UEL pic.twitter.com/69PnhVVYEC
— Rangers Football Club (@RangersFC) May 5, 2022
Finalja e Ligës së Evropës mes Rangers dhe Eitracht Frankfurt zhvillohet në Sevilla me 18 maj. /Telegrafi/