Është duke u mbajtur “Growth Tank” – ngjarje kjo që po mbulon një llojllojshmëri temash nga fusha e marketingut digjital dhe rrjeteve sociale.
Ngjarja ka filluar në ora 15:00, kurse tani është duke u diskutuar për përfshirjen dhe angazhimin e komunitetit në rrjetet, sociale, transmeton Telegrafi.
Egzon Bunjaku, menaxher i rrjeteve sociale në Telegrafi.com, deklaroi se Telegrafi i ka të ndara komunitetet.
“Telegrafi i ka komunitetet e veta, është Telegrafi.com është edhe në Facebook edhe çdo kund tjetër. Ajo çfarë e veçon Telegrafin është ndarja e komunitetit, e kemi Telegrafin Sport është një faqe që nëse e qesim një lajm të sportit ose një thirrje për lojë shpërblyese tash qysh e kemi Euro 2020, nëse e kishim qit në një faqe tjetër nuk e kish pas efektin e njëjtë, për shkak së është audienca e duhur në grupin e duhur. Njerëzit lidhen me brendin, nuk ka rëndësi forma, ose qysh je te bo thirrjen ti. Një gjë duhet me ditë që komunitetet menaxhohen prej komitetit pernime.”, deklaroi ai.
Kurse, Bardha Ajvazi (Brandfluence), pohoi se marketing po zhvillohet çdo ditë e më shumë, prandaj komunikimi me audiencën është shumë i rëndësishëm.
“Varësisht prej brendit sa është në zhvillim, komunikimi me audiencë është shumë i rëndësishëm. Sepse audienca duhet te jetë e informuar rreth shërbimeve, produkteve që ai brend i ofron, duke marrë parasysh që çdo ditë po ndryshon industria e marketingut. Është më rendësi që ata gjithmonë të jenë të informuar”, u shpreh ajo. /Telegrafi/
