Drama dhe emocionet kulmojnë në shtëpinë e Big Brother VIP Albania 4, ku banorja Egli Tako ka qenë në qendër të vëmendjes pas një debati të tensionuar me konkurrenten Gerta Gixhari.
Debati nisi pasi Gerta përmendi periudhën e vështirë të depresionit të Eglit, duke shkaktuar një reagim të fortë emocional tek ajo.
Egli, e njohur për forcën e saj të karakterit, këtë herë u pa jashtë kontrollit emocional, duke qarë me dënesë. “Kam parë ferrin, kam parë vdekjen me sy prej kësaj gjëje, s’mund ta sjell këtu”, tha ajo, ndërsa shokja e saj Rozana i qëndronte pranë duke e mbështetur.
O Zot u meka me Rozin ca po ndodh HAHAHAHAHAHAHAHAH#bbvipal pic.twitter.com/XgrnWSQi6v
— A-🦋 (@butterf_aria) January 21, 2025
Por emocionet nuk u ndalën vetëm tek Egli. Rozana, e prekur nga situata, shpërtheu gjithashtu në lot, duke i kërkuar Eglit që të qetësohej: “Boll më, të lutem.”
Kjo ngjarje ka ngjallur reagime të shumta nga publiku, me shumë ndjekës që kanë shprehur mbështetje për Eglin në rrjetet sociale. Debati ka hapur diskutime mbi etikën dhe respektin ndaj përvojave personale të banorëve në një format televiziv kaq intensiv.
Ndërkohë, Egli Tako dhe Xumi janë të nominuarit e kësaj jave. Nominimi i Eglit erdhi si pasojë e një vendimi të saj, duke shtuar një tjetër dimension emocional në këtë javë dramatike të spektaklit. /Telegrafi/