Presidenca e Shqipërisë njofton se ka dekretuar Eglantina Gjermeni si ambasadore e re në misionin e Organizatës për Siguri dhe Bashkëpunim në Evropë (OSBE).
Ish-deputetja e Partisë Socialiste ishte propozuar në këtë post nga kryeministri Edi Rama dhe dekreti ka ardhur pas marrjes së pëlqimit nga Komisioni i Jashtëm i Vlerësimit.
“Eglantina Gjermeni emërohet në detyrën e Ambasadorit të Jashtëzakonshëm dhe Fuqiplotë të Republikës së Shqipërisë pranë Misionit të OSBE-së dhe Organizatave Ndërkombëtare në Vjenë, rezident”, thuhet në dekret.
Gjermeni ka mbajtur postin e Ministres së Zhvillimit Urban dhe Turizmit në Qeverinë Rama në vitin 2013. /Telegrafi/
