Uruguai ka shënuar fitore në grupin B të botërorit që po zhvillohet në shtetin rus.
Uruguaianët kanë triumfuar në stadiumin Central të Yekaterinburg me rezultat minimal 1-0.
Jose Gimenez realizoi golin e fitores me kokë pas një harkimi të saktë të Carlos Sanchezit në të minutën e fundit të kohës së rregullt.
Tashmë kanë dal edhe vlerësimet e para të lojtarëve ku më i miri në fushë ishte golashënuesi Gimenez.
Ky i fundit u vlerësua me notën 9.6 edhe Diego Godin pati paraqitje të mirë te amerikano-latinët dhe mori notën 8.6.
Më i dobëti në fushë ishte egjiptiani Kahraba, i cili u vlerësua me notën 5.8 gjersa vlen të theksohet se Mohamed Salah nuk u paraqit për asnjë minutë te Egjipti, ku trajneri Hector Cuper e kurseu shkaku i mos shërimit të plotë të lëndimit të krahut në finalen e Ligës së Kampionëve.
Pas kësaj, lider i grupit mbetet Rusia me tre pikë në saje të gol dallimit më të mirë se uruguaianët gjersa Egjipti zë vendin e tretë dhe Arabia Saudite në të katërtën. /Telegrafi/