Drejtori teknik i Arsenalit, Edu, ka treguar se sa afër ishte klubi anglez që ta fitonte garën për Raphinhan, i cili në fund u transferua te Barcelona.
Topçinjtë ishin fuqishëm në garë për shërbimet e ish-yllit të Leeds United, i cili megjithatë nënshkroi për katalunasit.
25-vjeçari dhe përfaqësuesit e tij e kishin bërë të qartë nga fillimi se destinacioni i preferuar ishte largimi nga Liga Premier dhe kalimi te gjigantët e La Ligas.
Sa pranë ishte Arsenali të nënshkruante me Raphinhan
Futbollisti kishte arritur marrëveshje për kushtet personale me Barcën që në muajin maj, mirëpo Topçinjtë kishin hyrë në garë në qershor duke e kërkuar braziliani si zëvendësim për Nicolas Pepe.
Transferimi prej 65 milionë eurosh në Camp Nou ishte konfirmuar kah mesi i korrikut, ndërsa Edu e ka sqaruar situatën në një prononcim për Sky Sports.
“Njerëzit mendojnë se ne hymë shumë thellë për Raphinhan, sepse Raphinha ishte kudo. Është e drejtë që ne patëm disa bisedime me Decon, sepse Deco është agjenti i tij dhe unë kam raporte të mira – jemi miq”.
“I thash Decos: ‘A mund të ma shpjegosh situatën e Raphinhas?’, ndërsa ai ishte i qartë: Edu, kemi raporte të mira, por nuk do të gënjej, qëllimi i tij është të shkojë te Barcelona, sepse ëndërron të shkojë te Barcelona dhe ne kemi biseduar me Barcelonën qe një kohë të gjatë’”.
“’Në rregull, faleminderit shumë, nëse diçka ndodh, atëherë më njofto, sepse unë mund ta shqyrtoj dhe kuptoj situatën. Nëse jo, nuk ka problem dhe ne vazhdojmë me raportet tona’”, ka treguar drejtori i Arsenalit për bisedën me agjentin e lojtarit. /Telegrafi/