Edona James ka krijuar fansa të shumtë dhe është shndërruar në një personazh shumë të dashur nga publiku.
Ajo në fillim ishte skeptike për paraqitjen e saj, ndonëse mendonte se loja në BBVK nuk do t’i zgjaste shumë.
Asaj në spektaklin e sotëm (e hënë) iu prezantua një klip, rrugëtimi i saj në Big Brother për më shumë se një muaj.
Pas kësaj, transgjinores nga Suhareka iu bë edhe një befasi nga ‘Vëllai i Madh’.
Në shtëpinë më të famshme në Kosovë, gjegjësisht në oborr, po e prisnin e ëma dhe i vëllai i saj, Kushtrimi.
Ajo u emocionua në masë të madhe kur u takua me familjarët, megjithëse tha se nuk e priste vëllain.
Sikurse nëna ashtu edhe vëllai e përgëzuan për lojën dhe për atë që ka shfaqur në BBVK.
Ata i dëshiruan suksese të mëtutjeshme dhe ta vazhdojë lojën siç ka qenë deri më tani. /Telegrafi/
