Zyra e Kryeministrit të Kosovës dhe organizata joqeveritare “Lady” ka ndarë çmimet për 63 gratë e arta të Kosovës.
Ky çmim ndahet për arritjet dhe kontributin e shquar që këto gra kanë bërë në fusha të ndryshme, nga komunitete të ndryshme.
Është çmim për të nderuar gratë për përkushtimin e palëkundur të tyre.
“Kosova krenohet me secilën nga ju. Ju punoni shumë, larg nga qendra e vëmendjes, për të sjellë ndryshime domethënëse. Përkushtimi, pasioni dhe qëndrueshmëria juaj, nuk kanë kaluar pa u vënë re”, u shpreh kryeministri i Kosovës, Albin Kurti.
Ndërsa Sanija Murati nga organizata “Lady” tha se gjithë këto gra janë dritë që ndriçojnë, që kaluan gjithçka, nuk u dorëzuan dhe ia dolën, jo vetëm për veten por edhe për kontributin në shoqëri.
Çmimin si Grua e Artë e morën Edita Doli-Muhaxhiri, drejtoreshë e Radio Dukagjini, Dafina Zeqiri, Kadire Tahiraj, Shyrete Tahiri Sulimani, Uta Ibrahimi, Arjeta Musliu dhe shumë të tjera nga të gjitha komunitetet që jetojnë në Kosovë. /Telegrafi/
