Këngëtari i njohur i muzikës ‘rock’, Naim Bunjaku i njohur si Xuxi, do të jetë pjesë e festivalit “Sunny Hill” sivjet.
Lajmin për këtë e ka bërë të ditur vet faqja zyrtare e festivalit “Sunny Hill” në rrjetet sociale.
“Heroi ynë lokal i muzikës ‘rock and roll’, Xuxi do të performojë në skenën e festivalit Sunny Hill”, thuhet në njoftim.
Xuxi përndryshe është i njohur për një numër të madh këngësh në tregun shqiptar, të cilat gjithnjë janë pritur mirë nga publiku.
Festivali “Sunny Hill” do të mbahet sivjet në datat 2, 3 dhe 4 gusht në parkun “Gërmia”.
Disa nga emrat më të mëdhenj botërorë që do të këndojnë janë: Miley Cyrus, Calvin Harris, etj. /Telegrafi/