Njoftimi i djeshëm se zgjedhjet presidenciale të Rusisë do të mbahen më 17 mars të vitit të ardhshëm ka nxitur një stuhi aktivitetesh mes figurave të opozitës.
Ndoshta më i shquari është kritiku i burgosur i Kremlinit, Alexei Navalny, grupi i të cilit, “Fondacioni Anti-Korrupsion”, ka vendosur billborde në qytetet ruse me QR kode që dërgojnë në ueb-faqen e internetit të fushatës së tyre.
Por, krahas kësaj skeme, grupi ka nisur një plan të veçantë që u bën thirrje qytetarëve rusë të përdorin mbishkrimet si një mjet për të nxitur opozitën, raporton skynews.
“Ata sugjerojnë që të shpërndahet fjala ‘Rusi’ me një shkrim të caktuar – dhe nëpërmjet kësaj të tregohet se është një mesazh kundër Putinit. Do të ishte interesante të shihje autoritetet lokale duke fshirë emrin “Rusi”, shkruan grupi.
I'm wondering if this will take – using "Russia" in a distinct font to signal that it's actually an anti-Putin message. It would be interesting to see local authorities painting over "Russia" https://t.co/cz6Px0IdlG https://t.co/J7BJSVVbhl pic.twitter.com/gKUfXEPvYA
— Pavel Podvig (@russianforces) December 8, 2023
Në një mesazh online, i cili përmban imazhe të grafiteve në qytete të ndryshme ruse, grupi i Navalny tha se “vizatoni grafite! Le të jetë #RusiaPaPutin kudo. Bashkojuni fushatës”.
Ndryshe, Putin ka thënë se sot se do të rikandidojë për zgjedhjet presidenciale ruse, të cilat do të mbahen gjatë vitit të ardhshëm.
Ai tashmë ka nënshkruar ndryshimet ligjore për zgjedhjet presidenciale të Rusisë që lejojnë votimin në territoret ku është shpallur gjendja lufte për shkak të pushtimit të Ukrainës.
Të enjten, Putin zhvilloi një takim me zyrtarët e Komisionit Qendror të Zgjedhjeve (KQZ), ku ka paralajmëruar ndëshkime të rënda për personat që do të prishin procesin e votimit.
Ndryshe, Putin ka mbajtur poste të vazhdueshme si president ose kryeministër që nga viti 1999. Si kryeministër nga viti 1999 deri në 2000 dhe nga 2008 në 2012 dhe si president nga 2000 deri në 2008 dhe që nga viti 2012 dhe deri më tani. /Telegrafi/