Një grua në Kinë i ka mbijetuar mrekullisht një aksidenti të rëndë, ku edhe është parë duke “fluturuar” nga vetura.
Në videon e publikuar më poshtë që është filmuar nga kamerat e sigurisë, shfaqet gruaja duke fluturuar kur bashkëshorti i saj që ishte pas timonit nën ndikim të alkoolit, përplaset me një veturë tjetër në momentin kur po grindej me gruan e tij, transmeton Telegrafi.
Ajo ishte dërguar me urgjencë në spital, por aty është konstatuar se ajo mrekullisht ka shpëtuar pa asnjë lëndim serioz.
Aksident ka ndodhur gjatë të premtes në qytetin kinez Kaili në provincën Guizhou. Mediat kineze raportojnë se vetura në fakt ishte përplasur në trotuar, dhe kështu ka humbur shoferi kontrollin mbi timonin duke u rrokullisur disa herë.
Si pasojë e rrokullisjeve gruaja e tij ka fluturuar nga vetura, dhe ka përfunduar e përplasur në rrethojën e drurit të një shtëpie private. Besohet se në ato momente ajo po grindej me bashkëshortin që ishte nën ndikim të alkoolit. /Telegrafi/
https://www.youtube.com/watch?v=EnosUdFgNwk