Arbenita Ismajli dhe Fero janë kthyer prej kohësh në çiftin më të diskutuar në estradën shqiptare.
Ata patën një përplasje publike pak muaj më parë me akuza dhe kundër-akuza ndaj njëri-tjetrit, pasi modelja e akuzonte reperin se kishte ushtruar dhunë mbi të dhe e kishte kërcënuar me jetë.
Mirëpo siç rëndom bëjnë gjëra të tilla për të marrë vëmendjen e publikut, duket se edhe kjo nuk ka qenë gjë tjetër vetëm se një tentativë më shumë për t’u përfolur në media.
Kjo pasi çifti janë parë së fundmi sërish bashkë, ku janë xhiruar në një nga restorantet e Gjilanit.
Prive ka sjell pamjet ku dyshja shihen në shoqëri të njëri-tjetrit, ku mesa duket kanë lënë prapa hatër mbetjet dhe gjithçka që ka ndodhur mes tyre.
Fero përndryshe ka pasur një zbehje të dukshme në karrierën e tij që pas daljes nga shtëpia diskografike “On Records”, dhe e ka ruajtur qendrën e vëmendjes pothuajse vetëm me skandale dhe jo me prodhimtari muzikore apo suksese në këtë fushë. /Telegrafi/