Si shumë nga të famshmit shqiptarë edhe reperi Mozzik e ka pranuar se vuan nga ankthi.
Ai së fundmi e adresoi këtë çështje përmes disa postimeve që ka ndarë me ndjekësit në rrjete sociale.
Në po të njëjtat shkrime thuhet se ankthi nuk e ka lënë t’i shijojë gjërat aq sa duhet në këtë moshë.
“Është e trishtë sepse ankthi nuk më lë t’i shijoj gjërat aq sa duhet në këtë moshë. Le të themi se dhe ankthi im ka ankth”, thuhet në postimet e shpërndara nga 25 vjeçari.
Për shëndetin mendor tashmë kanë folur një pjesë e madhe e artistëve shqiptarë, të cilët kanë theksuar se duhet ta ndajnë me të tjerët dhe se ankthi është i pranishëm në thuajse çdo njeri.
Dafina është në mesin e yjeve që vazhdimisht na rikujton se duhet ta kemi prioritet shëndetin mendor.
Këtë e shprehu muaj më parë edhe në krijimtarinë muzikore të quajtur “Duro”. /Telegrafi/
