Edhe këtë herë Bebe Rexha nuk zhgënjen! Vjen atraktive dhe me performancë shpërthyese në klipin e ri “I’m a mess”

Butrint Avdyli

6 years ago

Këngëtarja e njohur shqiptare ka një muaj që ka publikuar albumin e saj më të ri “Expectations”.

Në këtë album, ajo ka sjell plot këngë të reja dhe unike, të cilat janë punuar nga vet ajo.

Për publikimin e tyre, artistja shqiptare me famë botërore ka menduar një version të veçantë, duke i publikuar secilën prej tyre në versionin e animuar në YouTube.

“I’m a mess” është pa dyshim një ndër këngët më të spikatura dhe të pëlqyera të albumit.

Këtë këngë, këngëtarja Rexha e finalizoi edhe me klip, të cilin e ka sjell së fundmi për fansat e saj në YouTube.

Dhe si çdo herë tjetër, edhe këtë radhë Bebe Rexha nuk na zhgënjeu!

Ajo vjen me një dukje atraktive dhe performancë të veçantë në klip, duke iu përshtatur në maksimum energjisë që transmeton kënga.

“Expectations” është aktualisht ndër albumet më të shitura në tregun ndërkombëtar, dhe “I’m a mess” radhitet ndër këngët më hit të momentit.

Duket se këtë vit, Bebe Rexha ka vendosur që të shpalos të gjitha vlerat e vërteta si artiste, duke shpërthyer me projekte të reja dhe unike në treg. /Telegrafi/