Ed Sheeran thuhet të jetë lënduar së fundmi, kjo pasi macja e tij Graham u nda nga jeta pasi u godit nga një veturë.
Fituesi i çmimit “Grammy”, 28 vjeç, i cili aktualisht është në turneun e tij “Divide” në Hanover, Gjermani, reagoi në Instagram të premten për të ndarë lajmin e hidhur me fansat, shkruan DailyMail, transmeton Telegrafi.
Krijuesi i hitit “Thinking Out Loud”, i cili e adoptoi macen kur ajo ishte thjeshtë një kotele, ndau një fotografi të kafshës shtëpiake duke vendosur putrat e tij në kitarë, shoqëruar me një emoji të zemrës së thyer.
Pas postimit, gruaja e menaxherit të Ed, Liberty Shaw përmes rrjteve sociale bëri të ditur se macja ngordhi për shkak se ishte goditur nga një veturë.
“Bukuroshja jonë e bukur, Baby Ba Boo e njohur Graham ndërroi jetë mbrëmë pasi u godit nga një veturë. Jemi absolutisht të zemërthyer”, shkroi ajo në Instagram.
Në vitin 2018 muzikanti, i cili njihet për dashurinë e tij ndaj kafshëve, vendosi të krijojë një llogari në Instagram për dy macet e tij të tjera DAorito dhe Calippo.
Liberty besohet të ketë qenë kujdestarja e Graham ndërsa Ed ishte i angazhuar me turneun e tij botëror. /Telegrafi/
