Këngëtari i njohur anglez Ed Sheeran para pak ditësh publikoi dy këngët e tij më të reja “Castle on the Hill” dhe “Shape of You”, të cilat menjëherë u pëlqyen dhe morën vëmendjen e publikut.
Pasi kishte kaluar gati një vit pa publikuar këngë të re, këngëtari ka vendosur që vitin 2017 ta nisë me publikimin e një albumi me plot këngë të reja, transmeton Telegrafi.
“Divide” titullohet albumi i tij i ri, të cilin Ed do ta publikojë të plotë në mars të këtij viti.
Lajmin për realizimin e këtij projekti e ka bërë të ditur kompania menaxhuese e këngëtarit “Warner Music”, e cila edhe do të hedh në shitje albumin në të gjitha platformat online. /Telegrafi/