Red Bull Salzburg ka mbetur pa lojtarin e saj kryesor Erling Haaland që iu bashkua gjigantit gjerman Borussia Dortmund.
Ylli norvegjez kishte shkëlqyer në të gjitha garat me Salzburgun, duke shënuar e asistuar thuajse në të gjitha ndeshjet.
Por Salzburgu nuk ka vonuar shumë dhe ka gjetur zëvendësuesin e yllit norvegjez.
Bëhet fjalë për sulmuesin nga Kosova, Mërgim Berisha i cili është rikthyer në klub pas huazimit te Altach.
21-vjeçari ka bërë një gjysmësezon shumë të ku ka shënuar shtatë gola dhe ka bërë pesë asistime në 17 ndeshje të Bundesligës, ndërsa ka realizuar edhe dy gola e një asistim tjetër në Kupën e Austrisë.
Berisha ka dalë nga akademia e klubit austriak, derisa ka pasur disa herë huazime nëpër skuadra si Liefering, Altach, Lask Linz e Magderburg.
“Mërgim Berisha kthehet nga huazimi i tij në SCR Altach dhe tani po forcon repartin ofensivë tonin. Mirësevini, Mërgim”, thuhej në njoftimin e kampionëve të Austrisë. /Telegrafi/
OFFIZIELL: Youth League-Sieger Mergim #Berisha kehrt zurück von seiner Leihe beim SCR Altach und verstärkt ab sofort unsere Offensive. Willkommen zurück, Mergim! #WirSindZukunft pic.twitter.com/ueJhmpt1NI
— FC Red Bull Salzburg (@RedBullSalzburg) January 6, 2020