Këngëtari Ed Sheeran është një prej artistëve më të dashur në mbarë botën.
Ai numëron qindra këngë në repertoarin e tij, e miliona disqe të shitura nga diskografia e tij.
Vitin e kaluar, ai u shpall këngëtari më i suksesshëm mashkull, kjo ehe pas publikimit të albumit “Divide”, i cili ishte njëherësh albumi më i suksesshëm i vitit 2017.
Ed Sheeran është shumë i angazhuar me koncerte gjithandej, duke mbushur sallat plot në çdo shtet që performon.
Mirëpo pas përfundimit të koncertit, këngëtari preferon që të realizojë një fotografi me fansat, dhe këtë e bën duke u ulur në gjunjë dhe kthyer shpinën nga ta.
Ai arrin që të njëjtën fotografi ta realizojë pas çdo koncerti, dhe kjo stafetë duket të jetë unike për artistin, pasi jo të njëjtën e bëjnë edhe artistët e tjerë.
Këto fotografi ai i publikon në llogarinë e tij zyrtare në Instagram, në të cilën ndiqet nga afro 26 milionë persona.
Po të shikosh me vëmendje Instagramin e tij, e vëren lehtë faktin se si Ed ka arritur që pas çdo koncerti të realizojë të njëjtën fotografi me fansat, ndërsa e vetmja gjë që tregon vendin se ku ai ndodhet është lokacioni ose flamuri që mban në dorë. /Telegrafi/