Ermir Lenjani nuk po kalon momentet e tija më të mira në futbollin francez.
Anësori i Kombëtares shqiptare nuk po vuan nga lëndimet por po vuan nga presioni i madh që po i bëjnë tifozët e klubit Rennes.
Ai së fundmi është fishkëlluar në stadium pse ka vendosur të qëndroj në klub, ndërsa ka qenë pikërisht Rennes që ka mbajtur shqiptarin në skuadër duke thënë se llogaritë në shërbimet e tij.
Por sikur mos të mjaftonin fishkëllimat dhe fyerjet gjatë ndeshjes, Lenjanit i kanë shkaktuar edhe dëme materiale.
Vetura e tij në mëngjesin e ditës së sotme ka pasur disa pasoja, pasi tifozët ia kanë dëmtuar veturën të tipi ‘Porsche’.
Pas këtyre gjërave që kanë ndodhur, mbetet të shihet nëse klubi i Rennes do të dalë me një qëndrim zyrtar për ta mbrojtur lojtarit i cili vështirë se do të mbetet në këtë klub pas gjërave që kanë ndodhur me tifozët.
Kjo që i ka ndodhur atij është e tmerrshme, pasi lojtari është transferuar në Ligue 1 me të vetmin qëllim të luaj futboll.
E gjithë kjo urrejtje e tifozëve kuq e zi ka ardhur pasi Lenjanin klubi i tij e kishte huazuar në Nantes, rivali i urryer i Rennes.
Telegrafi ka siguruar një video ku shihet një pjesë e veturës së Lenjanit e dëmtuar nga tifozët. /Telegrafi/
