Një video rrëqethëse e publikuar nga policia amerikane, shfaq dy të rinj që rrahin brutalisht një burrë në mes të ditës në rrugët e Bronxit, derisa kalimtarët e rastit vetëm vështronin sikur të mos kishte ndodhur asgjë e keqe.
61-vjeçari ishte në rrugën White Pains, kur sulmuesit iu afruan e njëri prej tyre e rrëzoi në trotuar – për t’ia lejuar më pas të dytit ta shqelmoj në kokë, transmeton Telegrafi.
Ata nuk u ndalën me kaq. Filluan t’ia marrin paratë nga xhepat dhe u larguan nga vendi i ngjarjes me shpejtësi. Si rezultat i kësaj, burri është dërguar në spital për shkak të plagëve të marra.
E ajo çfarë ka irrituar më shumë opinionin është mos reagimi i kalimtarëve të rastit, që nuk bënë asgjë për ta parandaluar ose ndërprerë sulmin brutal. /Telegrafi/
