Presidenti i Federatës Spanjolle të Futbollit, Luis Rubiales, vuri duart në kokën e sulmueses së kombëtares spanjolle, Jenni Hermoso dhe e puthi atë në buzë gjatë dhënies së medaljeve të arta për Kupën e Botës.
Skuadra spanjolle e futbollit për femra mposhti Anglinë me rezultat 1-0 në finalen e Kupës së Botës të dielën.
Para se të ngrinin trofeun fitues, lojtaret morën një nga një medaljet e arta. Në podium, Rubiales ishte ndër personat që uruan lojtaret me atë rast.
Kur Hermoson mori medaljen, ai e përqafoi dhe e tërhoqi kokën e saj drejt tij me duar dhe e puthi në buzë, pas së cilës ai qeshi.
A major scandal has exploded in Spain after the President of the Spanish Football Federation, Luis Rubiales, kissed one of the players on the lips just moments after Spain won the Women’s World Cup.
— Visegrád 24 (@visegrad24) August 20, 2023
Pamjet televizive shumë shpejt u përhapën në rrjetet sociale. Hermoso, që luan për klubin meksikan Pachuca, më vonë qeshi dhe tha në dhomën e zhveshjes në një lidhje direkt në Instagram: “Eh, nuk më pëlqeu”.
“A e puthe Jordi Alba kështu kur meshkujt fituan Ligën e Kombeve?
Dikush në dhomën e zhveshjes i ka treguar një video të atij momenti, të cilës ajo i është përgjigjur: “Çfarë po bëj, më shiko mua, më shiko”.
https://twitter.com/pablom_m/status/1693321502454595764
Disa përdorues në rrjetin social X e kanë akuzuar Rubiales, i cili është president i federatës që nga viti 2018, për sjellje të papërshtatshme.
“Kështu e keni puthur (kapiten) Jordi Alba kur kombëtarja e meshkujve fitoi Ligën e Kombeve (në finalen kundër Kroacisë)”, ka shkruar një përdorues.
Rubiales nuk komentoi këtë gjë. Hermoso, e cila gjatë karrierës së saj luajti për Atletico Madridin dhe Barcelonën, humbi një penallti në minutën e 70-të të ndeshjes me Anglinë, kur Spanja ishte në epërsi 1-0. /Telegrafi/