Ky është momenti kur një burrë me ngjyrë me nevoja të veçanta urdhërohet nga policia që të del nga vetura në Maryland, SHBA – pa ia dhënë as karrocën, duke e ngatërruar me një person që ishte në kërkim nga autoritetet e sigurisë.
E krejt kjo skenë ndodhi në prezencë të familjarëve të tij, që mbetën të shokuar me atë çfarë panë, transmeton Telegrafi.
Ai dëgjohet duke i thënë policëve se është i paralizuar, por ata i kërkuan domosdo që të del nga vetura.
“Duhet të dalësh nga vetura në mënyrë që të mund të flasë me ju”, thotë polici.
“Nuk ka problem. Jam i paralizuar, thjesht doni të dalë jashtë”, shtoi burri me nevoja të veçanta.
Derisa hapë derën, polici e tërheq jashtë vetura, duke mos e ditur fare se ai nuk mund të ecë.
“Është i paralizuar, nuk mund të ecë”, dëgjohet duke thënë gruaja e burrit që u ndaluar nga policia.
Në momentin që tenton të zbret rrëzohet në tokë, kurse policët menjëherë reagojnë duke tentuar ta ndihmojnë të futet sërish brenda.
Më vonë ata e kuptojnë se kanë ndalë personin e gabuar, dhe se nuk ishte ai të cilin e kërkonin dhe akuzohej për kryerjen e një krimi.
Videoja është shpërndarë në masë të madhe në rrjetet sociale, dhe pothuajse shumica kanë dënuar veprimin e policëve. /Telegrafi/