Në spektaklin e ditës së djeshme (e premte) në nominim për t’u larguar në javën që vjen dolën: Ilir Shaqiri, Einxhel Shkira dhe DJ Dagz.
Këta të fundit duket se u penalizuan dhe u zgjodhën nga banorët e rinj për shkak se i kushtuan më shumë rëndësi njëri-tjetrit duke qenë se filluan një romancë dashurie.
Sidoqoftë, përzgjedhja e DJ Dagz e ka mërzitur banoren e Big Brother VIP, Beatrix Ramosajn, me të cilën ruante raporte të mira.
Në një video të fundit të shpërndarë në rrjete sociale, Beatrix shfaqet pranë Donaldit e duke thënë se do të dalë nëse largohet DJ nga Kosova.
“Pasha këtë natë, dal me ty javën tjetër”, u shpreh Ramosaj ndërkohë që u largua nga dhoma ku po qëndronin së bashku.
Dagz në anën tjetër u tha se ku e dini që do të largohem unë, meqë janë edhe dy të tjerë në nominim.
Theksojmë se mbrëmë nga shtëpia më e famshme në Shqipëri u largua Meridian Ramçaj. /Telegrafi/
* BIG Brother VIP Albania mund ta ndiqni ekskluzivisht në platformën IPKO, në dy kanale HD, të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 30 dhe 31 në listën e kanaleve, si dhe përmbledhjen javore në kanalin TOP Channel.