Të pakët janë ata që nuk e mbajnë mend El Hadji Dioufin.
Nëse nuk e mbajnë mend për aftësitë e tij me topin, atëherë gjithsesi për problemet në fushë dhe jashtë saj.
Ish-ylli i Liverpoolit dhe i shumë skuadrave angleze dëshiron të ndihmojë vendin e tij duke u futur në politikë.
Senegalezi 36-vjeçar tashmë në pension ka befasuar të gjithë me deklaratën e tij, duke thënë se ka plane të pjesë e parlamentit.
“E ardhmja ime është përcaktuar. Në dy vitet e ardhshme do t’i bashkohem politikës. Sepse kështu do mund të ndryshoj shumë në futboll”.
“Kam shumë pasion për politikën dhe kjo do të jetë e ardhmja ime. Qytetarët senegalez janë në gjendje të dëgjojnë fjalët e mia”.
“Po ashtu jam gjithmonë në dispozicion të këshilloj Përfaqësuesen e Senegalit, kur do që më thërrasin ata”, ka thënë Diouf.
36-vjeçari është emëruar dy herë Lojtari i vitit në futbollin afrikan. /Telegrafi/