Këngëtarja e njohur Adelina Thaçi-meta viteve të fundit ka qenë paksa e tërhequr nga muzika!
Përkushtimi ndaj familjes dhe disa sfidave që prekën bashkëshortin e këngëtares, ka bërë që ajo të pauzojë tash e një kohë.
Megjithatë rrjetet sociale janë bërë dritarja ku tashmë të gjithë fansat mund të njihen me më të rejat e këngëtarëve të tyre të preferuar.
Këngëtarja Thaçi është njëra ndër personazhet e cila është pjesërisht aktive në rrjetet sociale.
Së fundmi, ajo ka udhëtuar drejt New Yorkut për të kaluar disa ditë të mira pushimi pranë familjarëve të saj.
Në disa fotografi të publikuara në llogarinë personale në Instagram, Adelina shfaqet mjaft e freskët dhe e kuruar në dukje, teksa pozon në “Time Square”, në New York.
Ajo mbahet mend për hitet e saj të shumta në karrierë, teksa fansat presin me padurim rikthimin e saj në skenën shqiptare. /Telegrafi/
