Transferimi i pritshëm i Kyle Walker nga Manchester City në Milan është tashmë një punë e përfunduar sipas raporteve të mediave në Itali.
Raportet e mëngjesit të sotëm (e mërkurë) konfirmuan se City ka rënë dakord ta dërgojë 34-vjeçarin në huazim falas te kuqezinjtë për pjesën e mbetur të sezonit.
Me një marrëveshje për një kontratë deri në vitin 2027 tashmë të arritur me Walker dhe përfaqësuesit e tij, Milanit ende i duhej të rregullonte një opsion blerjeje me skuadrën e Pep Guardiolës.
Sipas raporteve nga Calciomercato.com, ajo marrëveshje tani është arritur. Gazeta italiane pretendon se Milani do të nënshkruajë me anglezin në huazim për pjesën e mbetur të sezonit 2024/25 dhe do të ketë një opsion për ta bërë lëvizjen e përhershme për një tarifë prej 5 milionë euro në verë.
🚨🔴⚫️ AC Milan have agreed deal to sign Kyle Walker from Man City, here we go!
Loan move with buy option clause not mandatory, salary covered by AC Milan with contract agreed.
Travel and medical being planned.
Manchester City’s captain ready for new chapter. pic.twitter.com/zmhZEj0Clv
— Fabrizio Romano (@FabrizioRomano) January 22, 2025
Walker do të jetë në vitin e fundit të kontratës së tij me Manchester Cityn, e cila zgjat deri në vitin 2026, kur hapet afati i transferimeve të verës.
Sipas raportit të Calciomercato.com, Walker do të mbërrijë në Itali të enjten për të kryer testet mjekësore me skuadrën e Sergio Conceicao.
Reprezentuesi anglez do të fitojë një pagë vjetore prej 4 milionë eurosh kur të nënshkruajë një kontratë të re me Milanin. /Telegrafi/