Anthony Martial pritet të jetë ndër lojtarët e parë që do të largohet nga Manchester United.
Sulmuesi francez nuk ka pasur hapësira të shumta këtë edicion dhe largimi nga Djajtë e Kuq është i pashmangshëm.
Për situatën e tij ka folur edhe agjenti i sulmuesit francez, Philippe Lamboley. Në një prononcim për Sky Sports,
Lamboley ka konfirmuar se klienti i tij dëshiron të largohet nga United në janar.
“Dëshira e tij është të largohet nga klubi në janar. Ai vetëm dëshiron të luajë. Së shpejti do të flas me Manchester United”, tha agjenti i lojtarit.
Juventusi dhe Barcelona janë dy skuadrat që kanë shprehur interesim për lojtarin, derisa United e vlerëson rreth 40 milionë. /Telegrafi/