Reperi shqiptar, Majk, është bërë kryetemë e mediave të shoubizit në Francë.
Sipas mediave franceze, Majk është artist unik shqiptar, i cili krahasohet me artistin francez Maitre Gims.
Madje, mediat franceze shkojnë aq larg, sa që e quanë Majkun binjak të Maitre Gims, duke parë edhe ngjashmërinë e tyre në stil.
Telegrafi mëson se është mbajtur edhe një emision ku është diskutuar për Majkun, ku është vlerësuar potenca vokale dhe stili i jashtëzakonshëm e atraktiv që zotëron Majk.
Nga ana tjetër, edhe portalet franceze nuk janë ndalur.
Në shkrimet e tyre thuhet se do të ishte fantastike që Majk të realizonte një bashkëpunim me atë që ata e quajnë binjak të tij, Maitre Gims, e që do të rezultonte në një super bashkëpunim.
Vet reperi vështirë se është i vetdishëm se suksesi i tij ka arritur deri në këtë shkallë, ani pse nga shqiptarët ai është kritikuar shumë për stilin e tij.
Por, si duket evropianët po e vlerësojnë shumë realizimin e tij të fundit “Dashni” reperi i Babastars e ka rrugën e hapur për famë mbarë evropiane, e pse jo edhe për ndonjë bashkëpunim me Maitre Gims.
Majk u zgjodh artisti i vitit 2015 nga Telegrafi dhe ai po justifikon në masë të madhe këtë epitet duke parë se tash edhe mediat franceze po raportojnë për sukseset e tij. /Telegrafi/
