Sulmuesi i Kosovës, Vedat Muriqi është njëri nga më të preferuarit e tifozëve të Mallorcas dhe këtë e tregon akti i tyre i fundit, ku faqja zyrtare i ka publikuar një fotografi montazh në një ndërtesë në qytet, e cila duket sikurse një mural.
Mallorca do të luajë në finalen e Copa del Rey ndaj Athletic Bilbaos, të shtunën nga ora 22:00.
Kjo ndeshje finale po pritet me entuziazëm të madh nga të dyja klubet, të cilat kanë shumë vite që se kanë fituar trofeun.
Megjithatë, vëmendja është tek Mallorca, pasi aty luan ylli i Kosovës, Vedat Muriqi dhe është lojtari kryesor i kësaj skuadre.
Se atmosfera është në nivelin më të lartë dhe pritjet janë të mëdha te Mallorca, e tregon edhe një akt i fundit i klubit të La Ligës.
Tot 𝐌𝐚𝐥𝐥𝐨𝐫𝐜𝐚 està amb tu ❤️🖤 pic.twitter.com/Og763qOqM7
— Real Mallorca (@RCD_Mallorca) April 4, 2024
Ata kanë bërë disa fotomontazhe që duken si murale për katër nga lojtarët kryesor dhe njëri nga ta është edhe prizrenasi Vedat Muriqi.
“E gjithë Mallorca është me ju”, shkruan në përshkrimin e fotografive të postuara nga faqja zyrtare e Mallorcas. /Telegrafi/