Albany, Georgia nuk ka asgjë të përbashkët me New York-un.
Bëhet fjalë për qytetin e 75,000 banorëve që është 40 milje larg nga ndërqyteti më i afërt, lidhja e tij me Atlanta-n.
Dhe qarku në të cilin ndodhet, Dougherty – është i mbushur me plantacione të fermave.
Megjithatë, siç shkruan Business Insider, përcjell Telegrafi, ndërsa pandemia e coronavirusit vazhdon të përhapet në të gjithë Shtetet e Bashkuara, Albany është futur në qendër të vëmendjes kombëtare, së bashku me metropolet amerikane.
Rastet e COVID-19, sëmundja e shkaktuar nga coronavirusi, arritën në 967 në Albany të martën, sipas studiuesve të Universitetit Johns Hopkins.
Është një numër “i njëjtë në përmasa” nga më shumë se 157,000 në New York City ose 9.917 në New Orleans.
Por mbi bazën e të prekurve për frymë banori, shpërthimi e bën Albany-n, vendin e katërt më të goditur keq në vend, me 659 raste për çdo 100,000 njerëz.
Si u bë kaq keq?
Më 12 mars, shteti konfirmoi vdekjen e parë nga coronavirusi.
Viktima 67-vjeçare kishte ardhur në Albany për të marrë pjesë në funeralin e një burri që vdiq në shkurt nga shkaqe në dukje natyrore, raportoi The New York Times.
Nuk është e qartë se si ai kontraktoi virusin, i cili mund të ishte përhapur në heshtje në të gjithë qytetin i pazbuluar, thanë zyrtarët.
“U desh një person, kushdo që të ishte dhe që nuk kishte qëllim”, tha Scott Steiner, shefi ekzekutiv i sistemit shëndetësor Phoebe Putney në Albany, për CNN. “Kjo tregon se ky virus mund të përhapet shpejt”.
Në javët në vijim, rastet filluan të rriten. Epiqendra e mundshme: shtëpia e varrimit.
Zyrtarët e shtëpisë së funeraleve thanë se ishin kontaktuar nga autoritetet e shëndetësisë më 13 mars. Ata thanë se zyrtarët kishin zbuluar se pastori në shërbimin e parë kishte të ngjarë të ketë kontraktuar COVID-19, si dhe të tjerët në një shërbim tjetër më 7 mars.
“Megjithëse jemi identifikuar si një faktor i përbashkët në gjurmimin e COVID-19 në Albany, dijeni që ne po veprojmë brenda të gjitha udhëzimeve të sigurisë rregullatore ose të shëndetit”, tha kompania.
Ndërkohë, spitalet ishin nën rrethim.
“Të nesërmen filluam të shohim njerëz që vinin në dhomën tonë të urgjencës që ishin të sëmurë”, tha
Scott Steiner, shefi ekzekutiv i sistemit shëndetësor Phoebe Putney në Albany. “Dy raste në ditën e parë, gjashtë të nesërmen, tetë ditën tjetër…., dhe shifrat vetëm filluan të rriten nga ajo pikë”.
Si pasojë, të 14 shtretërit e kujdesit intensiv në qytet ishin mbushur brenda dy ditësh, tha Steiner, duke shtuar se spitali shpenzoi furnizimet që parashiheshin për gjashtë muaj, në më pak se një javë, përcjell Telegrafi.
Spitali i Albany ishte ngarkuar me pacientët e sëmurë, saqë infermierëve në një moment u tha që të vazhdojnë të punojnë, edhe nëse dalin pozitivë në testet për virusin.
Si shumë shtete të tjera, spitali filloi të kërkojë burime private për të blerë pajisje thelbësore si maska dhe ventilatorë.
Dhe ndërsa qytete të tjera të vogla në të gjithë vendin shtrëngojnë masat, kryetari i bashkisë së Albany bëri thirrje për përgjigje federale më të ashpër. /Telegrafi/