Momenti tronditës u kap nga kamerat e sigurisë në një stacion të metrosë në New York, teksa një grua shtyhet me forcë nga një burrë drejt binarëve të trenit.
Sipas DailyMail, përcjell Telegrafi, gruaja e paidentifikuar 40-vjeçare shpëtoi mrekullisht me lëndime të lehta pasi ishte shtrirë në shtratin e binarit, derisa treni ‘kaloi’ mbi trupin e saj.
Ngjarja tronditëse ndodhi mëngjesin e së enjtes në Manhattan.
Sulmuesi i saj, një person i pastrehë 24-vjeçar, Aditya Vemulapati, u dorëzua menjëherë në polici pas sulmit ‘të paprovokuar’; ai u akuzua për vrasje në tentativë, sulm dhe rrezikim të pamatur të enjten pasdite.
Dyshohet se ai nuk tha asnjë fjalë derisa e shtyu gruan dhe nuk bëri asnjë përpjekje për të ikur.
Ekipi i urgjencës nxitoi në vendin e ngjarjes pas disa thirrjeve të furishme lidhur me rastin. /Telegrafi/
Watch as @NYPDTransit Chief O’Reilly briefs the media on an incident at Union Square in which a female was pushed on to the tracks as a train was pulling into the station. @FDNY helped the victim off the tracks, and our officers quickly made an arrest. pic.twitter.com/ajvHWVr5mr
— NYPD NEWS (@NYPDnews) November 19, 2020