E ardhmja e Mohamed Salah duket se ka marrë një kthesë të re pas raportimeve që pretendonin se ylli i Liverpoolit është në bisedime për t’iu bashkuar një klubi të ri.
Salah do të mbetet pa kontratë në fund të këtij sezoni dhe ai mori vëmendjen një javë më parë kur mori vendimin e rrallë që të ndalet dhe të flas për gazetarët për situatën e tij tek Liverpooli.
Reprezentuesi egjiptian i kishte lënë të shqetësuar tifozët e klubit duke thënë se ai me shumë mundësi është më shumë jashtë se sa brenda duke iu referuar kontratës.
Por pasi Salah shënoi dhe asistoi në fitoren me rezultat 2-0 ndaj Manchester Cityt, detaje të reja për situatën e tij janë zbuluar.
Sipas një raportimi nga L’Equipe, Salah është në bisedime me Paris Saint-Germainin për të diskutuar transferimin e mundshëm atje si një lojtar i lirë.
Salah ishte lidhur fortë me një kalim tek gjiganti francez në të kaluarën dhe ishte thënë se është në bisedime me ta, me raportimin që nënvizon se kapiteni i Egjiptit është i interesuar për ta vazhduar karrierën në kryeqytetin francez.
Një burim besohet t’i ketë thënë mediumit se tashmë ‘ka një mundësi të mirë’ që Salah të luajë në ‘Parc des Princes’ sezonin e ardhshëm.
PSG është e etur ta përforcojë skuadrën me një lojtar të nivelit botëror pas largimit të Kylian Mbappes, teksa më herët ishin përmendur edhe emra si Khvicha Kvaratskhelia, Jadon Sancho dhe Nico Williams./Telegrafi/