Thomas Tuchel ka dhënë një tjetër këndvështrim rreth të ardhmes së Romelu Lukakut te Chelsea.
Sulmuesi belg shkaktoi tollovi me intervistën e dhënë për Sky Sport Italia, duke thënë se e dëshiron rikthimin te Interi.
Tuchel ka mbajtur disa takime me Lukakun për të sqaruar situatën, ndërsa sot (e martë) në një konferenvë për media, gjermani ka thënë se nuk e di se ku qëndron e ardhmja e belgut.
“Së pari, ishim të lumtur që gjetëm kohën e nevojshme për të folur me qetësi për këtë. Kështu bëmë. Ai kërkoi falje dhe është kthyer në skuadër”, ka thënë trajneri fillimisht.
“Ishte e qartë për ne që e kuptonim që ai nuk e bëri këtë qëllimisht. Gjithashtu, kjo është hera e parë që ai sillet kështu. Nuk ka pasur kurrë një sjellje më të vogël kundër ekipit. Kjo ishte hera e parë që e ndjeva në këtë mënyrë”.
“Nuk është aq e madhe sa ju dëshironi të jetë. Ne e pranojmë faljen e tij dhe vazhdojmë. Ai është i vetëdijshëm për rrëmujën që krijoi dhe ndihet përgjegjës për të pastruar. Mund të ketë pak erë prej saj”.
“Nuk ka dyshime për angazhimin e tij ndaj ekipit dhe klubit. Duhet të jemi mjaftueshëm të rritur për të pranuar faljen”.
“Nëse dikush ka një mendim të ndryshëm ose nuk pajtohet, ka të bëjë me ekipin në gjithçka që bëjmë. Shpresoj që mbështetësit mund ta marrin edhe këtë dhe të vazhdojnë të mbështesin ekipin. Në moment, ne kemi vërtet nevojë për mbështetjen”.
“E ardhmja e tij? Duhet ta pyesni. Nuk e di se si ndihet për të ardhmen e tij afatgjatë, ai ka një kontratë afatgjatë dhe është shumë i përkushtuar. Ai është numri nëntë i yni – ai nuk kishte ndërmend të krijonte probleme”,ka shtuar më tej Tuchel. /Telegrafi/