Po vjen me ri konceptim të hapësirave dhe me dizajn inspirues, libraria më prestigjioze në vend, libraria “Dukagjini”.
Libraria “Dukagjini” ka qenë udhërrëfyese, duke sjellë jo vetëm libra për lexuesit, por mundësi që libri të ndihet mirë në duart e lexuesit. Që lexuesi të frymojë librin dhe të ndjejë aromën e tij, e atmosferën inspiruese në ngjyra të zgjedhura mirë, e radhitje të përkryer.
Kështu, Libraria “Dukagjini” si bartëse e trendëve të reja, po vjen me pamje të re, me një hapësirë shumë më të madhe.
Me dizajn të ri inspirues si një botë shumëngjyrëshe e dijes, me sektore të ndara ku do të notoni më mirë nëpër dallgët tuaja të preferuara që vijnë në formë ideale të struktuara nga tani e tutje në Librarinë “Dukagjini”.
Historia e librarive e ka dëshmuar se qëndrimi në hap me kohën është esencial dhe Libraria “Dukagjini” ka menduar edhe për ata që janë në distancë dhe që nuk i gjejnë librat e tyre të preferuar në librari, duke pasur mundësinë unike deri më tani që t’i porositin librat e preferuar. Mundësi e veçantë kjo nga Libraria “Dukagjini”.
Kështu, po fillon një epokë re për libraritë në vendin tonë, e bartëse është Libraria “Dukagjini”.
Me këtë leximi po bëhet art e kulturë, muzikë me shkronja, e jetë në ngjyrat e përzgjedhura mirë e ambientet frymëzuese të librarisë së re që po vjen, e që hapë rrugën si një kulturë të re të të lexuarit në vendin tonë. /Telegrafi/
