E ardhmja e Ronald Araujo te Barcelona do të mbetet e paqartë derisa të largohet nga klubi, ose derisa të ndodhë një tjetër largim i madh në Camp Nou. Megjithatë, ekzistojnë disa faktorë që mund të ndikojnë në këtë çështje.
Barcelona do të shqyrtojë ofertat për uruguaianin midis 80-100 milionë euro, me Bayern Munich që raportohet se është i interesuar për Araujo. Megjithatë, bisedat mes ekipit gjerman dhe agjentëve të tij kanë qenë të ngrira që nga janari.
Sipas Bar Canaletes, nëse Xavi Hernandez do të largohej nga klubi dhe favoriti i nxehtë për ta zëvendësuar Rafael Marquez është me të vërtetë zëvendësuesi i tij, atëherë shanset e Araujos për të ndjekur Xavin do të rriteshin.
Kjo për faktin se Marquez ka besim të plotë te 19-vjeçari Mikayil Faye, i cili thuhet se do të jetë pjesë e ekipit të parë sezonin e ardhshëm, gjë që do t’i lejonte Barcelonës të ndahej me një tjetër qendërmbrojtës.
Araujo është një nga dy yjet kryesorë te Barcelona që kanë qenë më të lidhur me derën e daljes, së bashku me Frenkie de Jong.
Fatura në rritje e pagave në Barcelonë, së bashku me kufirin e tyre të tkurrur të pagave, do t’i detyrojë Blaugranët të hyjnë në shitje këtë verë dhe dy vjet më vonë nga levat ekonomike, Barcelona do të vazhdojë masat shtrënguese. /Telegrafi/