NASA është gati të nisë një anije kozmike të madhe në një botë me dete voluminoze.
Shkencëtarët planetar dyshojnë se hëna e Jupiterit, Europa, përmban një oqean të paktën dy herë më të madh se ai i Tokës.
Sonda Europa Clipper – e gjatë sa një fushë basketbolli dhe anija më e madhe që agjencia ka dërguar në një mision planetar – është planifikuar të zbarkojë në këtë hënë më 10 tetor.
Përpara nisjes, NASA publikoi një pamje të re të detajuar të sipërfaqes së plasaritur të hënës, e cila tregon pse për dekada studiuesit janë tërhequr nga ky vend magjepsës.
“Është ndoshta një nga vendet më të mira përtej Tokës për të kërkuar jetë në sistemin tonë diellor”, tha Cynthia Phillips, gjeologe planetare e NASA-s dhe shkencëtare e stafit të projektit për misionin Europa Clipper të agjencisë hapësinore.
Bëhet e ditur se më 2 tetor, NASA ndau pamje e cila u mor nga të dhënat e mbledhura nga misioni Galileo në vitin 1998, shkruan yahoonews, përcjell Telegrafi.
Ajo tregon një pamje nga afër të peizazhit kaotik të Europës, që është dëshmi se diçka nën koren e trashë të akullt të hënës – si një oqean – po nxit shumë ndryshime dhe deformime.
“Ky rajon ka akull që duket si ai në polet e Tokës, ku copa të mëdha shkëputen dhe notojnë lirshëm në oqean”, shkroi agjencia.
“Pjesa më e madhe e rajonit mbart njollën kafe që shihet këtu”, shtoi ajo.
The last time the spacecraft will be seen in person…😢
Travel well, friend! https://t.co/5zpRZsKvg0— NASA Europa Clipper (@EuropaClipper) October 4, 2024
Shkencëtarët besojnë se ky material mund të përmbajë të dhëna për përbërjen e një oqeani nën sipërfaqen e akullt, nëse vërtetohet se ekziston.
Por, për të vërtetuar nëse ekziston një oqean dhe nëse ai mund të presë kushte të përshtatshme për jetë, Europa Clipper do të bëjë rreth 50 fluturime afër sipërfaqes së hënës.
Ajo është e pajisur me një numër kamerash me rezolucion të lartë, një radar depërtues në tokë dhe madje edhe një pajisje (e quajtur SUDA) që do të ekzaminojë fjalë për fjalë grimcat e Europës që janë hedhur në hapësirë nga meteoritët e vegjël.
Pas kalimit nëpër sistemin diellor në një udhëtim prej 2.9 miliardë kilometra, anija do të arrijë në Europë në vitin 2030 dhe do të kalojë 3.5 vjet duke mbledhur të dhëna.
Megjithatë, për të përcaktuar nëse hëna e Jupiterit është e banueshme, shkencëtarët e misionit duhet t’u përgjigjen disa pyetjeve kryesore.
Për shembull, e gjithë jeta ka nevojë për energji: A ofron kjo botë oqeanike një burim energjie? /Telegrafi/