Një 36 vjeçar është arrestuar pasi që dyshohet se ka vjedhur katër biçikleta në lokacione të ndryshme në Vushtrri.
Policia e Kosovës njofton se tek i dyshuari janë gjetur dhe sekuestruar biçikletat e vjedhura.
“Hetuesit policorë në kuadër të Stacionit Policor në Vushtrri, në vazhdimësi të hetimeve për zbardhjen e veprave penale, kanë arritur të identifikojnë dhe të arrestojnë një person të dyshuar për katër raste të veprave penale ‘vjedhje’”.
“Si rezultat i hetimeve dhe provave të siguruara, hetuesit policorë kanë arrestuar të dyshuarin Y. Rr., 36 vjeçar, shtetas i Republikës së Kosovës, pasi që i njëjti dyshohet se javë më parë në katër lokacione të ndryshme në Vushtrri, ka kryer veprat penale ‘vjedhje’ ku cak i këtyre vjedhjeve ishin katër biçikleta”, thuhet tutje në njoftimin e policisë.
Lidhur me rastin dhe veprimet e ndërmarra është njoftuar prokurori i rastit, i cili ka urdhëruar që pas intervistimit i dyshuari të lirohet në procedurë të rregullt./Telegrafi/
