Dy të rinj rreth të 20-ve kanë filmuar vdekjen e tyre në një transmetim të drejtpërdrejt, ku pasi një aksidenti të tmerrshëm që u ka ndodhur në Finlandë mbetën të vdekur në vend.
Pamjet e postuar në Periscope, shfaqin momentin kur një femër dhe një mashkull bisedojnë dhe pinë alkool për disa orë, para se të futen në veturë dhe të nisen në destinacionin e tyre të paraparë, transmeton Telegrafi.
Dhe derisa janë në veturë duke lëvizur me shpejtësi të madhe, në video dëgjohet një zhurmë e madhe dhe më pas dyshja përfundojnë duke u rrokullisur me veturë, ku si pasojë humbin jetën.
Polici në Espoo, një qytet i vogël afër Helsinkit, kanë njoftuar se videoja e transmetuar drejtpërdrejt në internet, shfaq momentin e aksidentit dhe vdekjen e dyshes, trupat e të cilëve janë gjetur dje në mëngjes.
Sipas raportit të policisë, shkak i vdekjes ishte vozitja nën ndikim të alkoolit si dhe shpejtësia e madhe. /Telegrafi/
