Dy dyer të dekoruara me zbukurime të shekullit të 18-të të vjedhura dekada më parë nga një kishë qipriote kanë arritur më në fund në vendin nga janë marrë, nga Japonia, pas një beteje të gjatë ligjore.
Sipas medieve të huaja, përcjell Telegrafi, Kisha Ortodokse e Qipros mori zyrtarisht përgjegjësinë për dyert nga kisha e Shën Anastasios në fshatin Peristeronopigi të enjten.
E ndërtuar në vitin 1775, kisha gjendet në majë të një shpelle ku ruhet varri i shenjtorit.
Dyert e gdhendura dhe të praruara prej druri, të pikturuara me skena fetare, u vodhën në vitin 1974.
Ato pastaj u shfaqën përsëri në Kolegjin e Artit Kanazawa në Ishikawa, Japoni. Asnjë informacion nuk është bërë publik se si arritën deri te kolegji.
Ministri i Komunikimeve dhe Punëve, Yiannis Karousos, tha se kthimi i dyerve në Qipro ishte rezultat i “përpjekjeve të gjata dhe intensive”.
Qindra afreske, mozaikë dhe vepra të tjera fetare të artit u plaçkitën nga kishat në veri të ishullit.
Për pjesën më të mirë të 50 viteve, qeveria qipriote dhe autoritetet e kishës kanë zhvilluar beteja të gjata ligjore në Shtetet e Bashkuara, Evropë dhe gjetkë për të kërkuar objekte të ndryshme. /Telegrafi/