Ka pasur lajme të shumta se Paulo Dybala do të rikthehet nga lëndimi në ndeshjen ndaj Interit.
Megjithatë sulmuesi argjentinas nuk ia ka dalë dhe do të jetë mungesa e madhe e Romës në derbin italian.
Paulo Dybala është lënduar në sfidën mes Cagliarit dhe Romës, ku i trembi jo pak të gjithë në ambientin e klubit kryeqytetas italianë.
Përkundër se pritej që rikthimi i tij të bëhej të dielën në derbi, një gjë e tillë nuk do të ndodh.
Trajneri i Romës, Jose Mourinho nuk ka dashur të rrezikoj me argjentinasin duke mos e grumbulluar fare dhe duke e lënë në kryeqytet.
Pritet që ‘La Joya’ të grumbullohet për ndeshjen e radhës të kampionatit, atë ndaj Lecces ku mund të marrë disa minuta.
E pas kësaj ndeshje ylli argjentinas pritet të jetë 100 për qind për ndeshjen e Ligës së Evropës ndaj Slavia Pragës me qëllimin për të mbërritur në formën maksimale për derbin ndaj Lazios të parashikuar për t’u zhvilluar më datë 12 nëntor. /Telegrafi/