Ylli i Juventusit, Paulo Dybala, beson se fiksimi që ka me filmin Hollywoodian ‘Gladiator’ i ka ndihmuar atij të rritet në futbollin evropian.
23-vjeçari i cili ka shënuar 19 gola këtë sezon për Zonjën e Vjetër insiston se Russell Crowe i ka ndihmuar atij si të merret me kundërshtarët.
“E kam shikuar filmin ndoshta 30 herë. Kam mësuar se në jetë ka momente kur duhet të ngrihesh dhe të luftosh”.
“Kam mësuar se nuk është mençuri të kapesh në detajet e panevojshme. Kjo është arsyeja kur njerëzit me krahasojnë me Messin them se këtu nuk ka vend për krahasime”.
“Ai tashmë ka bërë atë që unë po mundohem të bëjë, si të fitojë Ligën e Kampionëve”, ka thënë Dybala. /Telegrafi/