Juventusi nuk do të rinovojë kontratën me Paulo Dybala, ndërsa ka interesime nga klubet e Ligës Premier, por raportohet se ai do të preferonte një kalim te Paris Saint-Germain.
Bianconerët njoftuan se argjentinasit nuk do t’i ofrohet marrëveshje e re, kështu që do të mbetet lojtar i lirë më 30 qershor kur i skadon kontrata.
Tottenham, Arsenal dhe Liverpool janë klubet që janë lidhur me lojtarin, por Dybala tashmë kishte refuzuar një lëvizje te Tottenham në 2019.
Sipas Foot Mercato, La Joya i ka kërkuar agjentëve të tij që të afrohen me PSG-në dhe të shohin nëse ata janë të gatshëm t’i ofrojnë atij një kontratë.
Nuk do të ishte hera e parë që Dybala lidhej me Paris Saint-Germain dhe vjen në të njëjtën ditë kur RMC Sport pretendon se Mauro Icardit i është thënë nga PSG të gjejë një klub të ri këtë verë.
PSG e ka bërë zakon të nënshkruajë me lojtarë të lirë, pasi ka përfshirë emra si Lionel Messin, Gianluigi Donnarumma dhe Georginio Wijnaldum. /Telegrafi/