Anglezja Corrina Cunningham, qysh në verën e vitit 2019 kishte vërejtur se ëma e saj 69-vjeçe Liz Youngs, kishte mavijosje dhe lëndime të lehta trupore në të gjitha gjymtyrët e trupit.
Për ta mësuar të vërtetën, ajo kishte instaluar kamera të fshehta në dhomën e saj. Ato filmuan pamje rrëqethëse të cilat më vonë u publikuan në Twitter nga policia në Norfolk, transmeton Telegrafi.
“Në një rast Liz qëndroi për gjysme ore ulur në karrocën e invalidëve. E mbuluar vetëm me peshqir. Ky është një vetëm prej incidenteve të shumta që i kanë filmuar kamerat e sigurisë. Askush nuk do të dëshironte që ndaj më të dashurve të veprojë kështu, në veçanti ndaj kësaj kategorie të ndjeshme, për këtë duhet kërkuar drejtësi për viktimat”, ka thënë detektivja Jemma Wiks që ka udhëhequr hetimet.
https://twitter.com/NorfolkPolice/status/1352577217428131840?ref_src=twsrc%5Etfw%7Ctwcamp%5Etweetembed%7Ctwterm%5E1352577217428131840%7Ctwgr%5E&ref_url=https%3A%2F%2Fwww.kurir.rs%2Fplaneta%2F3611627%2Fnegovateljica-iz-pakla-kamera-dokumentovala-izivljavanje-nad-starijom-britankom-nesrecna-zena-nije-docekala-pravdu-na-sudu-video
Në vend që të kujdesej për të, kujdestarja 29-vjeçe Jenny Dady ia shkulte flokët të moshuarës, duke ia futur gishtat në fytyrë dhe duke ia tërhequr hundën.
Përveç kësaj, e ka detyruar të ha me dhunë dhe vazhdimisht e ka sulmuar verbalisht – e në vend që të kujdesej për të, nuk ka humbur kohë duke u argëtuar me telefonin e mençur. Dady pas hetimeve është dënuar me gjashtë muaj burgim, ndërsa Liz Youngs ka ndërruar jetë.
Familja e saj ka vendosur që pamjet t’i ndajë me të gjithë, me qëllim që opinioni të shoh se me çfarë dhune është ballafaquar më e dashura e tyre. /Telegrafi/