Autoriteti i Aviacionit Civil i Kosovës ka njoftuar se ka ndaluar të gjitha operimet e tipeve të aeroplanëve Boeing 737-8 MAX si dhe Boeing 738-9 MAX mbi hapësirën ajrore të Republikës së Kosovës.
Në njoftimin e Autoritetit të Aviacionit Civil i Kosovës thuhet se Drejtori i Përgjithshëm i Autoritetit të Aviacionit Civil përkohësisht ka ndaluar të gjitha operimet e tipeve të aeroplanëve Boeing 737-8 MAX si dhe Boeing 738-9 MAX mbi hapësirën ajrore të Republikës së Kosovës.
Ndalimi i fluturimit është bërë për shkak të hetimeve në vazhdim lidhur me pajisjet e mjeteve ajrore Boeing 737-8 MAX dhe Boeing 738-9 MAX.
Kjo ndalës hyn në fuqi menjëherë dhe vazhdon deri në njoftimin e radhës, thuhet në njoftim.
Kosova kështu e ka ndjekur shembullin e disa shteteve tjera duke e ndaluar qarkullimin e të gjithë aeroplanëve të tipit “Boeing 737-8 MAX” mbi hapësirën e saj ajrore për shkak të dy aksidenteve ajrore me aeroplanë të këtij modeli, ku mbetën të vdekur më shumë se 340 persona. /Telegrafi/